er garden som ligg nedafor Haugstad
I 1801 budde skreddar Lasse Hermundsson Nundal (Haugstad) på Hagen.
Han var det ein då kalla "Jordlaus Husmann".
Begge sønene hans døydde tidleg slik at han sa frå seg plassen til fordel for Botolv Johannesson Nundal.Avtalen var at han skulle gifta seg med dotter til Lasse, med han heldt ikkje ord, og gifte seg med Gurid frå Eldegard. Botolv vart sidan skulda for å ha drepe ein bonde i frå Luster.I 1817 fann ein liket ved Dyreberg. Botolv vart dømt til å arbeida på Bergen hus på livstid, han sona aldri ein dag. I fjølge rykta kjøpte Botolv seg fri med å gje sorenskrivaren ein okse.
I 1831 gjekk det til slutt gale for Botolv. Då vart han treft av ei steinhelle som kom farande nedetter fjellsida. Han såg hella koma men greidde ikkje å springa unna. Botolv døydde 38 år gammal og var barnlaus.
På folkemunne heitte det at "Storemannen" hadde nådd syndaren...
Den siste som budde i Nundalen var Johanna, ho vart tvangsflytta ut av dalen då øvrigheita meinte at det var uforsvarleg å bu der åleine. Ho flytta ut våren 1961 og døyde i 1987 på Årdal sjukeheim.
Ill: bn
